Frétt

 

Scania R-Series er búin afar sparneytinni og kraftmikilli nýrri Euro5 13 lítra vél sem er 440 hestöfl og skilar heilum 2300 Nm í togi á breiðu sviði.

 

Í Scania R-Series er meðal annars að finna nýjan Opticruse gírskiptibúnað sem er án kúpplingspetala og er það nýr valbúnaður  í Scania R-Series. Einnig er bifreiðin búin nýjum stoðbúnaði fyrir bílstjóra "Scania driver support" en búnaðurinn kemur með leiðbeiningar um hvernig hægt er að ná meiri hagkvæmni í akstri.

 

Myndin er tekin við afhendingu bifreiðarinnar. Myndirnar fyrir ofan sína þennan glæsilega bíl og á einni þeirra er Valdimar Pétursson lestunarstjóri, Ingi Snorri Bjarkason bílstjóri og Ingi S. Ólafsson rekstrarstjóri hjá Samskipum. HEKLA óskar Samskip til hamingju með þessa glæsilegu bifreið.

 

Ný R-lína Scania hefur verið valin Alþjóðlegur vörubíll ársins 2010. Viðurkenningin var veitt við hátíðlega athöfn í rannsókna- og þróunarmiðstöð Scania í Södertälje í Svíþjóð. “Scania hefur framleitt tæknilega fullkominn vörubíl sem setur ný viðmið á sviði sparneytni, aksturseiginleika og hagkvæmni í rekstri," sagði Gianerico Griffini, formaður dómnefndarinnar þegar verðlaunin voru afhent.

Á hverju ári er þeirri gerð vörubíls sem mest leggur af mörkum til hagkvæmari flutninga á landi veitt viðurkenningin Alþjóðlegur vörubíll ársins. Viðurkenningin, sem fyrst var veitt árið 1977, er sú virtasta innan þessa geira. Dómnefndina skipa allir helstu blaðamenn á sviði skrifa um atvinnubíla frá 22 Evrópulöndum.

Nýja R-lína Scania var frumkynnt í september 2009 og hefur fengið mjög viðtökur innan atvinnugreinarinnar. Auk þess að hljóta viðurkenninguna Alþjóðlegur vörubíll ársins 2010 hefur Scania R 480 til dæmis unnið með talsverðum yfirburðum í yfirgripsmikilli samanburðarkönnun sem kallast 1000 Point Test. Könnunin er skipulögð af þýskum fjölmiðlum sem fjalla um atvinnubíla. Niðurstöður könnunarinnar voru kynntar nýlega í evrópskum fagtímaritum.

 

 

Hér er myndband sem kynnir Opticruise í nýjum Scania R-Series.

 

Hér er myndband sem kynnir Driversupport í nýjum Scania R-Series.

 

Hér er að finna enn fleiri myndbönd sem kynna nýjungar í R-Series.