Stage IIIB / Tier 4 interm
Stage IIIB / Tier 4 interm
Starfsfólk KLETTS undirbýr sig undir reglugerð sem tekur gildi í ESB og EES 1. janúar 2011 um mengunarvarnir / útblástur vinnuvéla og rafstöðva í Evrópu, þ.m.t Íslandi, og kallast Stage IIIB NonRoad Emissions Regulation.
Þar sem vélar og mengunarbúnaður, sem notaður verður til þess að uppfylla Stage IIIB, er mjög flókinn, þurfum við hjá KLETTI ásamt öllum öðrum Caterpillar umboðsaðilum í Evrópu og Ameríku meðal annars að :
- Hafa Emissions Dealer Champion, sem sér um samskipti við Caterpillar Emissions Group, stýrir innleiðingu hjá okkur og þekkir inn á reglugerðir sem taka gildi 1.1 2011
- Búa starfsmenn okkar undir 10 - 15 áfanga í fjarnámi við Caterpillar University - og þreyta próf í efni tengdu Stage IIIB og ná lágmark 80% einkunn í hverjum áfanga.
- senda tæknifulltrúa, tæknimann og sölumenn á 1-2 námskeið hjá CAT MDLC ( Malaga Demonstration og Learning Center) til að fá vottun þar.
- Vera vottaðir til þess að geta sett saman, gert við, þjónustað og kvarðað búnað ( vél & mengunarbúnaður ) sem kemur til okkar nýr eða notaður.
- Ljúka ýmsu öðru sem tengist innleiðingu reglugerðarinnar.
Eftir 1. janúar 2011 eiga ekki að vera aðrar vélar en þær sem uppfylla Stage IIIB í sölukerfi vélaframleiðenda ef þær eiga að fara á evrópskan markað í stærðarflokk 130-560 bkw.
- Afl 130 ≤ P ≤ 560 / Stage IIIB 2011.01
- Afl 75 ≤ P < 130 / Stage IIIB 2012.01
- Afl 56 ≤ P < 75 / Stage IIIB 2012.01
- Afl 37 ≤ P < 56 / Stage IIIB 2013.01
Framleiðendur hafa þó leyfi til að selja gegn ákveðnum undanþágureglum ( % m.v. sölu síðustu 5 ára ), ákveðin fjölda af vélum sem búið er að framleiða af hverri vélartýpu sem uppfylla ekki Stage IIIB staðal , hafa þeir allt að 2 árum frá því að þessi reglugerð verður virk til að ljúka því.
Það eru einkum NOx efnasambönd og sótagnir sem verið er að berjast gegn í útblásturs mengunarvarnareglugerðum . Með kerfisbundnum hætti hefur dregið úr magni sótagna (PM) og köfnunarefnisoxíðs (NOx) í útblæstri síðan 1996 þegar fyrstu staðlarnir Tier 1/Stage I tóku gildi fyrir vinnuvélar.
Frá Tier 1/Stage I (1996) að Tier 3/Stage IIIA (2006), varð 65% lækkun á PM og 60% lækkun á NOx. (vélar 130-560 bkW)
Í næsta áfanga útblástursstaðla, svokallaðra Tier 4 Interim, í Bandaríkjunum og Kanada, og Stage IIIB í Evrópusambandinu, sem taka gildi núna 1 janúar 2011, verður hert meira á reglum og mun það hafa áhrif á vinnuvélar og rafstöðvar. 90% lækkun á PM ( í 0,025 g/kWh) og 50% lækkun á NOx ( í 2 g/kWh) miðað við Tier 3/Stage IIIA.
Tier 4 Final/Stage IV verður innleitt árið 2014 og minnkar NOx þá um 40% til viðbótar miðað við Stage IIIB , þannig að NOx og PM verða í 0,4 g/kWh og 0,025 g/kWh miðað við 9 g/kWh NOx og 0,54 g/kWh PM sem var leyfilegt magn þessara efna í útblæstri véla (130-560 bkw) árið 1996.
- Afl 130 ≤ P ≤ 560 / Stage IV 2014.01
- Afl 56 ≤ P < 130 / Stage IV 2014.01
Samhliða þessu þarf einnig ≤15 ppm (ULSD) Ultra Low Sulfur Diesel Fuel á þessar vélar sem uppfylla Tier 4 Interm / Stage IIIB og einnig verður þess krafist að (LSA) low sulfated ash oils verði notuð.
Þar sem margir vélaframleiðendur eins og Caterpillar, Scania og Perkins ná að uppfylla þessa staðla kemur það ekki í veg fyrir innflutning á nýjum vinnuvélum og rafstöðvum, en eflaust hefur þetta áhrif á innflutning á notuðum vinnuvélum, rafstöðvum og skipti-vélum í tæki ( replacement engines ) og verður það á hendi tollstjóra og vinnueftirlits að hafa eftirlit með því.
Mengunarvarnareglugerðir eru mismunandi , flutninga- og fólksbílar Evrópu OnRoad Emissions ( Euro ) , Vinnuvélar og rafstöðvar - NonRoad Emissions ( Stage / Tier ) , og skip (IMO MARPOL 73/78 Annex IV) Reglugerð. Japan (MLIT) o.s.frv.en þær stefna allar í sömu átt með NOx og PM - sótagnir.
Smelltu á mynd til að sjá þróun mengunarvarnareglugerða
Þó er það þannig á Íslandi að fiskiskipaflotinn veldur gríðarlegri loftmengun enda engin lögskipaður hreinsibúnaður á Diesel-vélum fiskiskipa né eftirlit með efnum í útblæstri þeirra.
Kannski man einhver eftir Fagra Ísland en svo nefndist Tillaga til þingsályktunar um gerð rammaáætlunar um náttúruvernd. á 133. löggjafarþingi 2006-2007 Þskj. 18 - 18.mál þar sem kom meðl annars fram að "Olíunotkun í sjávarútvegi er einn stærsti einstaki þátturinn í losun gróðurhúsalofttegunda á Íslandi".
Sem var svo staðfest í skýrslu Umhverfisráðuneytis - Stefnumörkun í loftlagsmálum sem kom út 2007, en þar kemur fram að árið 2004 hafi útstreymi verið 23% í sjávarútvegi á Íslandi
Annika Stenlund skrifaði ágæta grein Emission Impossible fyrir Scania Power Magazine árið 2005 um IMO (International Maritime Organization) MARPOL 73/78 Annex VI "Regulations for the Prevention of Air Pollution from Ships" ( takmörkun á loftmengun frá skipum) , ásamt því að fara yfir Stage IIIA og B fyrir NonRoad vélar og tæki í sömu grein.
Smellið á mynd til að sjá aðildarlönd MARPOL 73/78
Hvernig stenst þá fullyrðing sem er hér að ofan "Fiskiskipaflotinn veldur gríðarlegri loftmengun enda engin lögskipaður hreinsibúnaður ....fiskiskipa né eftirlit með efnum í útblæstri þeirra "
Það er vegna þess að samkvæmt Alþjóðasamningar á sviði siglingamála á vef Siglingastofnunar hefur Ísland ekki samþykkt þennan viðauka í MARPOL 73/78 Annex IV um takmörkun á NOx útblástursmengun véla yfir 130kW frá skipum, sem þó hefur verið í gildi í frá því 19 maí 2005 og u.þ.b 50% af aðildarlöndum MARPOL hafa samþykkt þessa reglugerð. sjá nánar
Í tilfelli Stage IIIB / Tier 4 Interm sem skellur á 1. janúar 2011 er ekki um það að ræða að fullgilda ekki samning , hvort sem okkur líkar það betur eða verr þá tekur þessi reglugerð gildi eins og Euro5 reglugerðin fyrir vörubíla gerði 1 október 2009.
"No matter how complicated all these rules seem to be, we all have to stop and face the music. All of us, whether we are producing or buying engines, have to comply with the emission legislation."
Smellið á myndir hér að ofan til að skoða nánar útbúnað sem þarf til að uppfylla Stage IIIB.
Smellið á mynd t.v. til að sjá kort yfir Worldwide Emissions Regulations 2011 og mynd t.h. til að sjá kort fyrir 2016
Þróun mengunarvarna fyrir NOx og PM ( sótagna ) , vélar 130-560bkW , frá 1996 til 2014
Smellið á mynd hér að ofan til að ná í skjáhvílu / ScreenSaver af Caterpillar C13 ACERT mótor - sem sýnir samsetningu og búnað sem tengist Stage IIIB.
Hafðir þú heyrt um TIER 4 Interm & Stage IIIB og vissir þú að þetta á eftir að hafa áhrif á okkur og þig á ýmsa vegu ?